“ISO 9001: Biznesiňizi hil arkaly ösdüriň” treningine çakylyk
Häzirki zamanda ösýän bäsdeşlik we globallaşma şertlerinde halkara hil standartlaryna laýyklyk islendik kompaniýa üçin üstünlik gazanmagyň esasy faktoryna öwrülýär. Hil dolandyryş ulgamynyň (HDU) dünýäde öňdebaryjy standarty bolan ISO 9001:2015 ornaşdyrmak, kompaniýaňyza müşderileriň kanagatlylygyny ýokarlandyrmaga, amallaryny optimizirlemäge, çykdajylaryny azaltmaga, abraýyny we bäsdeşlige ukyplylygyny ýokarlandyrmaga, önüminiň/hyzmatynyň hiliniň yzygiderli gowulaşmagyny we durnuklylygyny üpjün etmäge we hyzmatdaşlar we maýadarlar tarapyndan ynamy berkitmäge kömek eder.
Türkmenistanyň ykdysatçylar birleşmesiniň standartlaşdyryş we sertifikasiýa bölümi Sizi “ISO 9001: Biznesiňizi hil arkaly ösdüriň” bäş günlük treningine çagyrýar.
Treninge gatnaşyjylar kompaniýada ISO 9001:2015 standartynyň talaplaryna laýyklykda hil dolandyryş ulgamyny (HDU) netijeli ornaşdyrmak, ýöretmek we üznüksiz kämilleşdirmek üçin zerur bolan toplumlaýyn bilimleri we amaly başarnyklary alarlar.
Bu trening kompaniýalarda hili üpjün etmek we gowulandyrmak bilen baglanyşykly iş bilen meşgullanýan ýolbaşçylar we hünärmenler, şeýle hem ISO 9001: 2015 standartyna laýyklykda hil dolandyryş ulgamy barada çuňňur bilimlerini almak isleýänler üçin peýdaly bolar.
Trening netijeli we amaly bolmak üçin okuw prosessi interaktiw leksiýalary, amaly işleri, toparlaýyn ara alyp maslahatlaşmalary we hünärmen bilen sorag-jogap sessiýalaryny ulanyp geçiriler.
Treningden öň, 2025-nji ýylyň awgust aýyň 15-de maglumat seminary geçiriler. Seminara gatnaşmak tölegsiz. Seminara gatnaşmak üçin hasaba almak şu baglanyşykda
Trening 2025-nji ýylyň awgust aýyň 25-29 aralygynda her gün sagat 10:00-dan 13:00-a çenli geçiriler. Treninge gatnaşmak üçin her gatnaşyjy üçin tölegiň möçberi 650 manat.
Treninge gatnaşmak üçin onlaýn formany doldurmaly
Seminar we trening Aşgabatda geçiriler. Takyk ýerleri hasaba alnan gatnaşyjylara habar beriler.
Seminar we trening bilen baglanyşykly ähli soraglar boýunça şu telefon belgilerine jaň edip bilersiňiz: +993 64 19 86 68, +993 61 00 57 53
Hil ösüşe ýoldyr: treninge gatnaşyň we ISO 9001:2015 bilen biznesiňizi ösdüriň!
