Türkmen sürüjileri “Ýüpek ýoly” 2025 rallisiniň pellehanasynda baýraklara eýe boldylar
15-nji gezek geçirilen “Ýüpek ýoly” halkara rallisi sportuň we dostlugyň uly baýramçylygy bilen tamamlandy. Sişenbe güni, 22-nji iýulda, Altaý Respublikasynyň paýtagty Daglyk-Altaýyň merkezinde dabaraly ýagdaýda tamamlandy. Müňlerçe şadyýan tomaşaçylar bilen gurşalan Lenin meýdançasynda iki hepdelik marafonyň ýeňijileri we baýrakly orunlara mynasyp bolanlar baýraklaryny aldylar. Şeýlelik bilen, ýolsuz ýerden ýöreýän ulaglaryň T2 klasynda doganlar Merdan we Şöhrat Toýlyýewleriň deňi taýy bolmady.
Ýeňişe barýan ýol: Baýkaldan Altaýa çenli
Ralli-marafon 12-nji iýulda Russiýanyň we Mongoliýanyň çäklerini bir ugur bilen birleşdirip, Irkutskda başlandy. Bu ýaryşa gatnaşyjylar 11 günüň içinde 4811 kilometri geçip, Baýkal kölüniň kenaryndan Burýatiýanyň üsti bilen Mongoliýa tarap ýola düşdüler, Gobiniň çägelerine we Mongol-Elsniň ajaýyp depelerini külterledirler, soňra bolsa Altaý daglaryna çykdylar. Bu ýol çydamlylygyň we ussatlygyň hakyky synagyna öwrüldi.
T2 klassynda türkmen podium
T2 klassynda çykyş eden türkmen ekipažy absolýut ýeňiji we öňdebaryjy doganlar Merdan we Şöhrat Toýlyýewler boldy. Olar eýýäm “Ýüpek ýoly” rallisinde ikinji gezek çempion boldular. Olaryň tutuş marofonyň dowamynda durnukly we ynamly çykyşlary gürrüňsiz özlerine üstünlik gazanmagyny üpjün etdi.
Bu ýeňiş – türkmen türgenleriniň ýokary derejeli taýýarlygynyň we ýurtda awtoulag sportunyň ösüşiniň aýdyň görkezijisidir.
Sport festiwaly we täze gözýetimler
Ýaryşa jemi 101 ekipaž gatnaşyp, bu ralli-marafona bolsa 15 ýurtdan gelen sürijiler wekilçilik etdi. “Ýüpek ýoly” halkara rallisi sport üstünlikleri we halkara gatnaşyklaryny pugtalandyrmak üçin ähmiýetli meýdança hökmünde özüni ýene bir gezek görkezdi.
15-nji gezek geçirilýän “Ýüpek ýoly” taslamasy tamamlanmdy, ýöne onuň taryhy dowam edýär. Guramaçylar, indiki ýyl gatnaşyjylaryň has açyk we öňünden aýdyp bolmajak başdan geçirmeleriniň boljakdygyny wada berýär. Ralli – bu “diňe bir ýaryş däldir, ol açyklyk we başdan geçirmelerdi!”
ORIENT
