Russiýada daşary ýurtly raýaty bolýan ýeri boýunça hasaba almak düzgünlerini aňsatlaşdyrdylar
Russiýada daşary ýurtly raýaty bolýan ýeri boýunça hasaba almak düzgünlerini aňsatlaşdyrdylar.
Indi daşary ýurtlylar Döwlet hyzmatar portaly arkaly özüniň bolýan ýeri baradaky elektron habarnamalary özbaşdak ugradyp bilerler. Russiýanyň Içeri işler ministrliginiň (IIM) Migrasiýa meseleleri baradaky Baş müdirligi tarapyndan girizilen bu täzeçillik daşary ýurtlylara IIM-niň territorial edaralaryna özleriniň barmalarynyň zerurlygyny aýyrýar. Munuň ýerine, habarnama ugradylandan soň, ýaşaýyş jaýyň eýesi oňa portaldaky şahsy otagynda razylyk almaly. Bu bolsa, daşary ýurtly raýatyň onuň ýaşaýyş jaýynyň meýdanynda ýaşaýandygyny tassyklaýar. Mundan soňra, habarnama awtomatiki ýagdaýda IIM-niň maglumat ulgamlaryna ugradylýar. Ulanyjylar bolsa öz haýyşnamasynyň ýagdaýyna gözegçilik edip bilýärler.
IIM-niň işgärleri berlen maglumatlaryň dogrulylygyny barlap, daşary ýurtly raýatyň hasaba almak baradaky karary kabul edýärler.
Bu çäre migrasiýa bellige alnyşyň aňsatlaşdyrylmagyna we polisiýa işgärleri üçin maglumatlary işlemek wagtynyň azaldylmagyna gönükdirilendir. Munuň özi bolsa, migrasiýa gulluklarynyň işiniň netijeliligini ýokarlandyrmaly.
ORIENT news
