Merkezi Aziýada suw hyzmatdaşlygyny şöhlelendirmek üçin kinematografçylar we wideografçylar üçin mümkinçilik
Merkezi Aziýa üçin suw-energetika maksatnamasy (CAWEP) sebitiñ öwreniji kinematografçylaryny we wideografçylaryny wideoýazgylary döretmek bäsleşigine gatnaşmaga çagyrýar. Bu bolsa öz döredijiligiñi we sebitde suw-energetika tematikasynynyñ wajyplygyny açyp görkezmek üçin ajaýyp mümkinçilikdir. Suw serişdeleri we energetika bu Merkezi Aziýa üçin derwaýys meselelerdir. Bu wideoýazgylaryñ döredilmegi bolsa maglumatlary ýaýratmaga, habarlylygy ýokarlandyrmaga hem-de bu meseleleriñ çözülmegine gyzyklanmany höweslendirmäge ýardam berip biler.
Bäsleşige Merkezi Aziýa ýurtlarynda döredijilik we kommunikasiýa ugurlary (kinematografiýa, multimedia, grafika dizaýni, žurnalistika, PR we beýlekiler) boýunça bilim alýan talyplar ýa-da bu ugurdaky uçurumlar; meñzeş kontenti döretmekde tejribesi bolan ýokary taýýarlykly ýaş foto we wideo hünärmenler (portfolio tabşyrmak hökmanydyr) gatnaşyp bilerler.
Gatnaşyjylaryñ ýaşy: 18-den 44-e çenli.
Haýyşnamalar 2025-nji ýylyñ 20-nji martyna çenli kabul edilýär.
2025-nji ýylyñ 24-nji martyndan 14-nji apreline çenli haýyşnamalaryñ bahalandyrmasy geçirilip, 17-nji aprelde ýeñijileriñ atlary yglan ediler.
Goşmaça maglumat üçin ýa-da soraglar boýunça Aalpkarina@worldbank.org we dsaliyeva@worldbank.org ýüz tutup bilersiñiz.
Hatyñ temasynda aşakdakylary görkezmeli: "CAWEP wideoýazgylary döretmek bäsleşigi - düşündiriş üçin soraglar".
ORIENT news
