Günorta Koreýa ýokary tehnologiýa babatdaky hünärmenler üçin "iñ ýokary derejeli wizany" girizer
Günorta Koreýa ýokary tehnologiýa babatdaky hünärmenler üçin "iñ ýokary derejeli wizany" ("top-tier visa") girizmegi meýilleşdirýär. Munuñ özi ykdysadyýetiñ esasy pudaklaryna daşary ýurtly ýokary taýýarlykly hünärmenleri çekmekde möhüm ädim bolar. Bu barada The Korea Times gazeti habar berýär.
Bu başlangyç elektromibiller üçin ýarymgeçirijiler we akkumulýatorlar ýaly ugurlarda işleýän daşary ýurtly hünärmenler üçin şertleriñ gowulandyrylmagyna gönükdirilendir.
Programma şu aýyñ dowamynda girizilip, wizalary almagyñ tizleşdirilen prosesini, şeýle hem daşary ýurtly işgärleriň we olaryñ maşgalalarynyň durnukly ýaşamaklaryny üpjün edýär.
Degişli hünärmenler we olaryñ maşgala agzalary F-2 wizasyny alyp bilerler. Ol bolsa Günorta Koreýada üç ýylyñ dowamynda işlemek hukugyny, soñrasy bilen ýaşamak hukugyny tassyklaýan şahsy şahadatnamany almak mümkinçiligini berýär. Wiza almak üçin dalaşgärleriñ 8 ýyldan az bolmadyk iş tejribesi bolmaly, şol sanda dünýäniñ 500 sany iri kompaniýalaryñ birinde üç ýyl iş tejribesi hem-de dünýäniñ 100 sany öñdebaryjy uniwersitetleriniñ birinde alnan alymlyk derejesi bolmaly. Ýyllyk haky 140 mln wonadan az bolmaly däl (takmynan, 96 000 ABŞ dollary).
Mundan başga-da, Günorta Koreýanyñ hökümeti "ýaşlar arzuwynyñ wizasyny" girizmegi meýilleşdirýär. D-10 wizasy öñdebaryjy uniwersitetleriñ ylmy maksatnamalarynyñ uçurymlaryna beriler. Bu wiza ýaşlara ýurtda iki ýylyñ dowamynda işe ýerleşmek mümkinçiliklerini gözlemäge ýol açýar.
ORIENT news
