BMG-niň Baş Assambleýasy Beýik Watançylyk Urşunyň tamamlanmagynyň 80 ýyllygy baradaky Kararnamasyny tassyklady
BMG-niň Baş Assambleýasy RF tarapyndan hödürlenen Beýik watançylyk urşunyň tamamlanmagynyň 80 ýyllygy baradaky Kararnamasyny tassyklady. Munuň bilen, ol urşuň pidalarynyň hatyrasyna BA-nyň dabaraly mejlisiniň geçirilmegini hem sorady diýip, РИА новости habarçysy belleýär.
Resminama konsensus tarapyndan kabul edildi. RF bu Kararnamany onlarça döwletler bilen, şol sanda Azerbaýjan, Ermenistan, Belarus, Gazagystan, HHR, Gyrgyz, Serbiýa, Täjigistan, Türkmenistan we Özbegistan, KHDR we Eýran bilen awtordaşlykda taýýarlady. BMG-niň ýanyndaky RF-iň hemişelik wekili Wasiliý Nebenzýa ozal РИА новости beren söhbetdeşliginde BMG-niň agzalaryny resminamany goldap, munuň bilen, “nasizmsiz dünýä üçin öz durmuşlaryny gurban edenleriň hatyrasyna hormat goýmaga” çagyrdy.
BMG-niň BA-sy tarapyndan kabul edilen bu Kararnamada Bütindünýä guramasynyň direktiw edarasynyň başlygyndan “2025-nji ýylyň maý aýynyň ikinji hepdesiniň dowamynda Beýik watançylyk urşunyň ähli pidalarynyň hatyrasyna BA-nyň ýörite dabaraly mejlisini geçirmegi hem-de her bäş ýyldan şeýle mejlisleri” geçirmegi soralýar.
Şeýle hem, resminamada BMG-niň ähli agzalaryna, hökümet däl guramalara we aýratyn şahslara “degişli ýagdaýda” 8-9-njy maýy Beýik watançylyk urşunyň pidalarynyň hatyra güni hökmünde bellemäge teklip edilýär.
Resminamanyň preambulasynda Baş Assambleýa, hususan-da, Bütindünýä Guramasynyň agzalaryny özüniň halkara gatnaşyklarynda güýç howplaryndan we ony ulanmakdan saklanmak üçin “ähli mümkin” bolan tagallalary etmäge çagyrýar. BMG-niň BA-nyň Kararnamasy maslahat beriji häsiýete eýedir.
ORIENT news
