ŞHG-niñ Baş sekretary Merkezi Aziýa ýurtlaryna barar

Mart 04, 2025 | 15:35 |5964

2025-nji ýylyñ mart aýynda Şanhaý hyzmatdaşlyk guramasynyñ (ŞHG) Baş sekretary Nurlan Ýermekbaýew Merkezi Aziýa ýurtlaryna resmi saparlary amala aşyrmagy meýilleşdirýär. Trend-iñ bellemegine görä, bu barada ŞHG-niñ habarynda aýdylýar.

Ýermekbaýewiñ Özbegistana sapary 4-7-nji mart aralygynda, Täjigistana - 14-15-nji mart aralygynda, Gyrgyzystana bolsa - 17-19-njy mart aralygynda bolup geçer.

Merkezi Aziýa saparynyñ çäklerinde Ýermekbaýew ýurt we daşary işler edaralarynyñ ýolbaşçylary bilen duşuşar, öñdebaryjy syýasaty öwreniş merkezlerinde tegelek stollara hem-de beýleki köpçülikleýin çärelere gatnaşar.

2025-nji ýylyñ ýanwar we fewral aýlarynda ol eýýäm Russiýa, Belarus Respublikasyna we Hindistana baryp gördi.

ORIENT news