Hytaýda slanes nebitiň iki sany iri ýataklary ýüze çykaryldy
Hytaýda umumy gorlary 180 mln tonna barabar bolan slanes nebitiň iki sany iri ýataklary ýüze çykaryldy. Munuň özi ýurduň energetika pudagy üçin möhüm waka boldy.
Açyş Hytaýyň iri Sinopec nebit kompaniýasy tarapyndan ýurduň gündogarynda Bohaý we Subeý jülgelerinde amala aşyryldy. Şinşing we Çintong ady bilen belli bolan bu ýataklar 2,9-4,5 km çenli çuňlykda ýerleşýär. Täze gorlaryň durnukly we uzakmöhletleýin gazyp alnyşy üpjün etjekdigine garaşylýar. Bu bolsa dünýäde iri nebiti sarp edijileriniň biri bolan Hytaý üçin örän möhümdir.
Sinopec 2030-njy ýyla çenli slanes nebitiň her ýylky gazyp alynyşyny 2 mln tonna çenli artdyrmak, şeýle hem agtarylan gorlary ýylda 100 mln tonna çenli köpeltmek isleýär. Bu açyş Hytaýyň energetika deňagramlylygynda slanes nebitiň barha ösýän ornuny hem açyp görkezýär. Häzirki wagtda ol ýerde slanes nebiti gazyp alnyşyň umumy möçberiniň diňe 1 % düzýär. Şeýle gorlaryň bar bolmagy ýurduň energetika howpsuzlygyny ep-esli derejede gowulandyryp, nebit importyndan baglylygy azaldyp biler.
ORIENT news
