Türkmenistan Merkezi Aziýa ýurtlarynyň arasynda BAE-niň maýa goýumlarynyň möçberi boýunça birinji ýerde
Ýewraziýa ösüş bankynyň maglumatlaryna görä, Türkmenistan Merkezi Aziýa ýurtlarynyň arasynda Birleşen Arap Emirliklerinden göni maýa goýumlaryň iň uly möçberini özüne çekýär. Ýurduň paýyna BAE-niň sebite çykarýan ähli goýumlarynyň 65,4 % düzýär, bu hem 8 $ mlrd barabardyr.
Umumylykda, Merkezi Aziýa BAE-niň maýa goýumlarynyň esasy ugry bolmagynda galýar. 2016-njy ýylda emirli kompaniýalaryň Ýewraziýa çeken goýumlarynyň 98 % sebite degişlidi, 2024-nji ýylyň birinji ýarymynda bolsa bu görkeziji 96 % düzdi. Maýa goýum taslamalary energetika, çig-mal pudagy, gurluşyk we beýleki ugurlary öz içine alýar.
Türkmenistanyň yz ýanyndan BAE-niň iri maýa goýumlaryny alýan Özbegistan (2,2 $ mlrd ýa-da umumy möçberden 17,85 %) we Gazagystan (1,5 $ mlrd ýa-da 12,3 %) gelýär.
Ýurtlaryň arasyndaky ykdysady aragatnaşyklaryň güýçli depginde ösmegi BAE-niň Merkezi Aziýa döwletleri bilen, şol sanda strategiki taýdan ähmiýetli pudaklar boýunça hyzmatdaşlygyna barha artýan gyzyklanmasy barada şaýatlyk edýär.
ORIENT news
