Aşgabat we Buharest energetika boýunça bilelikdäki toparyň mejlisine taýýarlyk görýär
13-nji fewralda Buharestde geçirilen duşuşykda Türkmenistanyň Ilçisi Annamämmet Annaýew we Rumyniýanyň Energetika ministrliginiň Döwlet sekretary, energetika pudagynda türkmen-rumyn iş toparynyň rumyn tarapynyň ýolbaşçysy Pawel-Kasýan Nitulesku ikitaraplaýyn hyzmatdaşlygyň ösüşiniň geljegini ara alyp maslahatlaşdylar.
Taraplar häzirki aragatnaşyk derejesinden kanagatlanma bildirdiler we şu ýylyň birinji ýarymynda Türkmenistanda geçiriljek iki döwletiň arasynda energetika boýunça iş toparynyň 8-nji mejlisine taýýarlyk meselesini ara alyp maslahatlaşdylar.
Nebit-gaz pudagynda bilelikdäki taslamalary durmuşa geçirmegiň mümkinçilikleri we söwda-ykdysady hyzmatdaşlygyň geljegi ara alnyp maslahatlaşyldy. Rumyniýaly kompaniýalar Türkmenistanda yzygiderli geçirilýän halkara sergilere we forumlara gatnaşmaga çagyryldy.
ORIENT
