Aprel aýynda Osakada Türkmenistanyň Prezidentiniň saparyna garaşylýar
Türkmenistanyň Ýaponiýadaky Ilçisi Atadurdy Baýramow şu hepdede Osaka şäherine iş saparyny amala aşyryp, ol ýerde “Expo 2025” Bütindünýä sergisiniň Baş sekretarynyň orunbasary Içinoki Manasu we “Expo 2025”-iň protokol bölüminiň başlygy Takeşi Hikiharo bilen duşuşyklary geçirdi.
Bu duşuşyklaryň dowamynda Türkmenistanyň Prezidentiň 2025-nji ýylyň aprel aýynda Ýaponiýa meýilleşdirilýän sapary bilen bagly guramaçylyk meseleleri ara alyp maslahatlaşyldy diýip, Türkmenistanyň Tokio şäherindäki ilçihanasynyň web sahypasynda habar berilýär.
Taraplar şeýle hem “Expo 2025” çäklerinde 2025-nji ýylyň 14-nji aprelinde Türkmenistanyň Milli güni mynasybetli geçiriljek çäreler barada jikme-jik maslahatlaşdylar.
2025-nji ýylyň 13-nji fewralydaky maglumatlara görä 158 ýurt we sebit hem-de 7 halkara guramasy “Expo 2025 Osaka, Kansai, Japan” sergisine özleriniň gatnaşjakdyklaryny tassyklady.
Bütindünýä sergisi 13-nji aprel – 13-nji oktýabr aralygynda 184 gün dowam eder.
ORIENT
