Ankarada Ykdysady hyzmatdaşlyk baradaky türkmen-türk toparynyñ mejlisi geçiriler
2025-nji ýylyñ 25-nji fewralynda Ankarada Türkiýäniñ wise-prezidenti Jewdet Ýylmazyñ hem-de Türkmenistanyñ Ministrler Kabinetiniñ Başlygynyñ orunbasary Nökerguly Atagulyýewiñ başlyklyk etmeginde Ykdysady hyzmatdaşlyk baradaky türkmen-türk hökümetara toparynyñ 8-nji mejlisi geçiriler.
Bu barada şu gün geçirilen metbugat maslahatynda Türkmenistandaky Türkiýäniñ Adatdan daşary we Doly ygtyýarly ilçisi Ahmet Demirok habar berdi.
"Şeýle-de men Türkmenistan bilen ýokary derejedäki saparlarymyzyñ 2025-nji ýylda hem edil 2024-nji ýyldaky ýaly depginde dowam etjekdigine ynam bildirýärin" - diýip, Ilçi belledi.
Şeýle hem, ol Türkiýede ýakyn günlerde Bilim meseleleri boýunça türkmen-türk hökümetara geñeşiniñ 4-nji mejlisiniñ geçiriljekdigi barada, emma anyk seneleriñ entek belli däldigi barada habar berdi.
Şeýle-de okañ: Türk kompaniýalary Türkmenistanda 50 mlrd dollar möçberinde 1000-den gowrak taslamalary amala aşyrdylar.
ORIENT news
