BMG-niň Moskwadaky Maglumat merkezi Halkara parahatçylyk we ynanyşmak ýyly bilen baglanyşykly çärelere goşular
Russiýa Federasiýasynyň Türkmenistandaky Ilçihanasynyň guramagynda BMG-niň Moskwadaky Maglumat merkeziniň direktory we BMG-niň Russiýadaky ýurt toparynyň başlygy Wladimir Kuznesow bilen duşuşyk geçirildi.
Taraplar Halkara parahatçylyk we ynanyşmak ýylynyň çäklerinde bilelikdäki taslamalary durmuşa geçirmäge özara gyzyklanma bildirdiler. Bu başlangyjyň amala aşyrylmagy üçin Türkmenistanyň ilçihanasy degişli meýilnama taýýarlady we bu işde BMG-niň Maglumat merkezi möhüm orun eýelär.
Duşuşykda, hususan-da, Türkmenistanyň hemişelik Bitaraplygynyň 30 ýyllygy we BMG-niň 80 ýyllygy bilen baglanyşykly çäreleriň ähmiýetine aýratyn üns berildi. Şol çäkde, parahatçylyk, bitaraplyk we durnukly ösüş düşünjelerini wagyz etmek maksady bilen, maslahatlaryň, tegelek stollaryň we sergileriň guralmagy meýilleşdirildi. Bu barada Türkmenistanyň Moskwadaky diplomatik wekiliýeti habar berdi.
BMG-niň Maglumat merkeziniň ýolbaşçysy Türkmenistanyň parahatçylyk döredijilik boýunça başlangyçlarynyň möhümdigini belläp, BMG-niň Russiýadaky edaralarynyň ilçihanany goldamaga we durnukly ösüş hem-de parahatçylykly, gülläp ösýän dünýä döretmek ugrunda bilelikde işleşmäge taýýardygyny aýtdy.
ORIENT
