Belgiýadaky Ilçihanada: Ýewropanyň 20 media ulgamynda Türkmenistanyň parahatçylyk söýüjilik başlangyçlary
Türkmenistanyň başlangyjy bilen BMG tarapyndan yglan edilen Halkara parahatçylyk we ynanyşmak ýylynyň çäginde, Türkmenistanyň Belgiýadaky ilçihanasy Ýewropanyň media giňişliginde işjeň işleri alyp barýar ýagny ýurduň Bitaraplygynyň 30 ýyllygyny we 2025-nji ýylyň “Halkara parahatçylyk we ynanyşmak ýyly” diýlip, yglan etmek başlangyjyny wagyz edýär.
Hususan-da, Türkmenistanyň Brýusseldäki Ilçihanasynyň ikinji sekretary Maral Rahymowa, Ýewropanyň 20 media ulgamynda parahatçylyk söýüjilik başlangyçlaryny we Türkmenistanyň bitaraplyk syýasatyny şöhlelendirýän 30-dan gowrak makalany we ýazmaça söhbetdeşligi çap etdi.
Bu ulgamlaryň arasynda – EUtoday, EUreporter, NEglobal, Traveltomorrow, Eurasiareview, Eurasiafocus, Eubriefs, Eurasiamagazine, Commonspace, Bruxelleskorner, Polecreatifliegeois we beýlekiler bar.
Bularyň netijesinde ýewropaly tomaşaçylar Türkmenistanyň diplomatik strategiýasy bilen ýakyndan tanyşmaga mümkinçilik alýar.
Maglumatlar dört dilde taýýarlandy: iňlis, fransuz, türk we rus. Bu bolsa maglumatlaryň ýaýramagyny we elýeterliligini ep-esli giňeltdi.
Mundan başga-da, Maral Rahymowa Ýewropanyň “Kanal Avrupa” teleýaýlymynda “Brýusseliň aktualny meseleleri” atly gepleşiginde wideoaragatnaşyk ulgamy arkaly gatnaşyp, onuň dowamynda Türkmenistanyň Bitaraplyk syýasaty we parahatçylygy goraýyş başlangyçlary ara alnyp maslahatlaşyldy.
ORIENT
