BSG-na taýýarlyk: Türkmenistanda maliýe hyzmatlary bazaryna giriş meselesini ara alyp maslahatlaşdylar
30-njy ýanwarda Birleşen Milletler Guramasynyň Ösüş Maksatnamasy (BMGÖM) Türkmenistanyň Maliýe we ykdysadyýet ministrligi bilen bilelikde maliýe hyzmatlary bazaryna girmek baradaky borçnamalaryň sanawyny taýýarlamak boýunça webinar geçirdi. Bu çäre, BMGÖM-iň bilelikdäki dowam edýän “Durnukly ösüş maksatlaryny durmuşa geçirmek üçin platforma, III tapgyr” taslamasynyň çäginde gurnaldy.
Webinar, hyzmatlaryň halkara söwdasyny düzgünleşdirýän köptaraplaýyn düzgünler, şeýle hem dowam edýän ykdysady özgertmeler şertlerinde Türkmenistanda maliýe hyzmatlaryny kadalaşdyrmak çemeleşmeleri barada umumy maglumat berdi. Gatnaşanlar BSG-niň maliýe hyzmatlary ulgamyna girmegiň şertleri, hususan-da häzirki we geljekki milli düzgünleri BSG-niň resminamalarynda nädip görkezmelidigi barada öňümizdäki gepleşiklere nähili taýýarlanmalydygy barada tanyşdylar.
“Maliýe ulgamynyň işjeňligi ykdysady ösüş üçin strategiki ähmiýete eýedir we BSG-e agza bolmagy bilen bagly işiň çäginde Türkmenistanyň maliýe hyzmatlary bazaryna goşulmakda milli bähbitlerini kesgitlemek gaty möhümdir” – diýip, BMGÖM-iň halkara bilermeni Maksim Medwedkow belledi.
Webinar Türkmenistanyň Hökümetiniň şol sanda ministrlikleriň we pudaklaýyn dolandyryş edaralaryň ýagny Mejlisiň, Maliýe we ykdysadyýet ministrliginiň, Adalat ministrliginiň, Saglygy goraýyş we derman senagaty ministrliginiň, Söwda we daşary ykdysady aragatnaşyklar ministrliginiň, Oba hojalyk ministrliginiň, Bilim ministrliginiň, Döwlet gümrük gullugynyň, Merkezi bankyň şeýle hem beýleki döwlet gurluşlarynyň we huhusy pudagyň 30 gowrak wekillerini bir ýere jemledi.
ORIENT
