TDHÇMB-da söwdalaşyklar: “BND 60/90” kysymly ýol bitumy we pagta süýümi satyn alyndy
Ýanwar 31, 2025 | 09:58 |4696
30-njy ýanwarda, penşenbe güni, Türkmenistanyň Döwlet haryt çig-mal biržasynda geçirilen söwdalaşyklaryň netijesinde nebit-himiýa we oba hojalyk önümleri ýerlenildi.
Türkiýäniň telekeçileri türkmen işewürleri bilen pagta süýümini satyn almak barada geleşikleri baglaşdylar.
Türkmenistanyň işewür toparlarynyň wekilleri “Türkmennebit” Döwlet konserni bilen “BND 60/90” kysymly ýol bitumy satyn almak barada geleşikleri baglaşdylar.
Söwdalaşyklaryň netijesinde umumy bahasy 4 750 000 manada we 1 239 634,11 ABŞ dollaryna barabar bolan 4 geleşik baglaşyldy.
Türkmenistanyň Döwlet haryt çig-mal biržasyndaky kesilen nyrhlar bilen şu salgyda tanşyp bilersiňiz.
ORIENT news
