Hytaýda ilkinji gezek nebitiň we gazyň gazyp alnan möçberi 400 mln tonnadan geçdi
2024-nji ýylda Hytaýda nebitiň we gazyň gazyp alnan möçberi ilkinji gezek 400 mln tonna nebit görkezijisinden geçdi, bu hem ýurt üçin gazanylan möhüm üstünlik boldy. Bu barada HHR-iň Energetika işleri boýunça Döwlet müdirligine salgylanyp, Sinhua agentligi habar berýär.
Işlenilmedik nebitiň gazyp alnan möçberi 213 mln tonna barabar boldy, bu hem 2018-nji ýyldan 24 mln tonna köpdir. Tebigy gazyň gazyp alnan möçberi 246,4 mlrd m3 deň boldy, munuň bilen birlikde soňky alty ýylyň dowamynda ortaça ösüş 13 mlrd m3 köp boldy. Deňiz nebitgaz gazyp alnyşy hem-de slanes nebiti we gazy ýaly adaty däl çeşmeleriň ulanylyşy ösüşiň esasy faktorlary boldy. Mysal üçin, 2024-nji ýylda slanes nebitiň gazyp alnan möçberi 6 mln tonna çenli artdy, bu hem ozalky ýyl bilen deňeşdirilende 30 % ösüşe laýyk gelýär. Şeýle hem slanes gazyň gazyp alnan möçberi 25 mlrd m3 geçendigini bellemeli.
Bu gazanylan üstünlikler Hytaýyň öz energetika özbaşdaklygyny ösdürmek hem-de uglewodordlaryň gazyp alnyşynda täze tehnologiýalary ösdürmek babatda tagallalaryny açyp görkezýär.
ORIENT news
