Lebapda tokaýlary we ýerleri dikeltmek çäreler geçirildi
Merkezi Aziýanyň sebitleýin ekologiýa merkeziniň (MASEM) Türkmenistandaky taslama edarasynyň direktory Mergen Kepbanowa, bilermenler topary we Türkmenistanyň Daşky gurşawy goramak ministrliginiň wekilleri bilen bilelikde, Çärjew etrabynyň tokaý hojalygynyň synag meýdançasynda bag ekmek maksady bilen Lebap welaýatyna bäş günlük iş saparyny amala aşyrdylar.
Bu çäre, FAO (Azyk we oba hojalyk guramasynyň) bilen MASEM-niň Türkmenistandaky taslama edarasynyň arasyndaky ýurtda tebigaty goramak çözgütleri goldamaga, şol sanda Tokaý maksatnamasyny durmuşa geçirmäge, howanyň üýtgemegine uýgunlaşmak üçin uglerody siňdiriji meýdanlaryny giňeltmäge gönükdirilen ylalaşygyň çäklerinde guraldy.
Bag ekmek işleri ýerli tokaý hojalygynyň 6 gektardan gowrak meýdanynda geçirildi. Bu meýdanyň tokaýlaşdyrylmagy, topragyň şorlamagynyň öňüni almak üçin hem uly ähmiýete eýe. Bu maksat bilen ekmek üçin hökmünde galofitler saýlandy: şor toprakda gowy ösýän igde nahallaryny we gara sazagyň tohumlary.
Bag nahallaryny ekmek işlerine ýerine ýetiriji häkimiýetleriň we ýerli öz-özüni dolandyryş edaralarynyň wekilleri, jemgyýetçilik birleşikleriniň agzalary, ekologiýa ugrundaky hünärmenler we meýletinçiler işjeň gatnaşdylar.
Bag nahallary ekilen meýdan Farap şäherine ýakyn ýerleşýär we geljekde şäheriň ýaşyl “guşagynyň” bir bölegine öwrüler. Şunuň bilen baglylykda, 4 gektardan gowrak meýdany bolan şähere iň ýakyn ýerde, seýilgäh zolagy üçin ekişler geçirildi, we tokaý gorag guşagy bolup hyzmat etjek igde nahallary onuň perimetri boýunça ekildi.
Täze tokaý meýdançasynyň içindäki 2 gektar meýdanda bolsa gara sazak nahallaryny ösdürip ýetişdirmek üçin ýörite şitilhana döredildi. Bu ýerde gara sazak nahallary ösdürilip ýetişdiriler.
Bilermenler topary ýerinde meýdanlarda barlaglary geçirip, topragyň we ekoulgamyň häzirki ýagdaýyny öwrendiler şeýle hem Lebap welaýatynyň Tokaý hojalygynyň wekilleri bilen bag ekmek işleriniň meýilnamasyny we ýerine ýetiriliş tertibini ara alyp maslahatlaşdylar.
Zaýalanan ýerleri dikeltmek we ýerleri ulanmakda durnukly usullaryny ornaşdyrmak sebitiň ekologiýa ýagdaýyny gowulandyrmaga we ýerli ilatyň ýaşaýyş hilini ýokarlandyrmaga uly goşant goşar diýip, MASEM-niň web sahypasynda bellenilýär.
ORIENT
