Türkmenistanda bilelikdäki amerikan-türkmen konsertleri geçiriler
Türkmenistandaky ABŞ-nyñ ilçihanasy 16-24-nji ýanwar aralygynda geçiriljek "Broadway and Beyond" konsertler barada habar berdi. Amerikan artistleri Keýt Bass, Aaron Ýang we Riçard Staýgner Aşgabatda, Türkmenbaşyda, Balkanabatda we Daşoguzda çykyş ederler.
Saparyñ çäklerinde sazandalar türkmen kärdeşleri bilen hünär alyş-çalşygna hem gatnaşarlar. Konsertler janly ýagdaýda nobat tertibinde ähli isleg bildirýänler üçin açykdyr.
Konsertleriñ tertibi:
Aşgabatda konsert 16-njy ýanwarda Türkmenistanyñ Medeniýet merkeziniñ Mukamlar köşgünde geçiriler. Konsertiñ başlaýan wagty: 19:00.
Türkmenbaşyda - 18-nji ýanwarda "Türkmennebit" Döwlet konserniniñ Türkmenbaşynyñ nebiti gaýtadan işleýän zawodlar toplumynyñ Medeni-sport merkezinde. Konsertiñ başlaýan wagty: 19:00.
Balkanabat şäherinde - 20-nji ýanwarda Balkan welaýatynyñ Baş drama teatrynda. Konsertiñ başlaýan wagty: 19:00.
Daşoguz şäherinde - 22-nji ýanwarda Daşoguz welaýatynyñ N.Andalyp adyndaky Baş drama teatrynda. Konsertiñ başlaýan wagty: 19:00.
Şeýle-de artistler Aşgabatda 24-nji ýanwarda Türkmenistanyñ Medeniýet merkeziniñ Mukamlar köşgünde gaýtadan çykyş ederler. Konsertiñ başlaýan wagty: 19:00.
