Türkmenistan saglyk bilen baglanyşykly Keselleriñ Halkara statistiki klassifikasiýasynyñ 11-nji täzeden gözden geçirişini ulanar
Türkmenistanyñ wekiliýeti saglyk bilen baglanyşykly Keselleriñ Halkara statistiki klassifikasiýasynyñ 11-nji täzeden gözden geçirişini (МКБ-11) ulanmak boýunça okuwlara gatnaşdy.
Çäre Ýewropa Bileleşiginiñ kömegi bilen Almatyda geçirildi. Onuñ maksady - ýurtlary Keselleriñ Halkara statistiki klassifikasiýasynyñ 10-njy täzeden gözden geçirişinden (МКБ-10) 11-njä (МКБ-11) geçiş işinde goldaw bermekden ybarat. Bu bolsa, öz gezeginde, saglygy goraýyş ulgamlaryny lukmancylygyñ soñky gazananlaryna laýyk getirmäge mümkinçilik berýär.
Bu okuw Merkezi Aziýa ýurtlarynyň saglygy goramak boýunça maglumat tory arkaly (CARINFONET) tutuş sebit boýunça maglumat hilini pugtalandyrmakda öñdebaryjy tejribesini alyşmaga ýardam edýär. Bu tor saglygy goraýyş meseleleri boýunça beýleki sebit golaý maglumat torlary üçin ýokary standartlary kesgitleýär. Onuñ işi derwaýys, hakyky we anyk statistikasyny almak maksady bilen ýurtlaryñ içinde hem-de Merkezi Aziýa sebitiniñ ýurtlarynyñ arasynda hyzmatdaşlygy ösdürmäge gönükdirilendir.
Saglyk bilen baglanyşykly Keselleriñ Halkara statistiki klassifikasiýasy (МКБ) adamzadyñ dogluşyndan tä dünýäden ötýänçä barlygynyñ şertlerini şöhlelendirýär: onda biziñ ýaşaýşymyzyñ dowamynda duçar bolýan her bir şikesiñ we keseliñ hem-de ölümimize getirip bilýän her bir sebäpleriñ kod belgileri görkezilendir.
ORIENT news
