Haýwanlaryñ seýrek görnüşleri Sünt-Hasardagdaky foto duzaklaryna düşdiler
Şu ýyl uzak wagtyñ dowamynda ilkinji gezek hünärmenler Sünt-Hasardagda gurnalan foto duzaklaryna düşen alajagaplañ eje bilen üç çagasyny surata alyp bildiler. Mundan başga-da, bu ýerde köp ýyllaryñ dowamynda ilkinji gezek goñur aýylar hasaba alyndy.
Tebigaty goramak boýunça hünärmenleriñ öz sosial torlarynda belleýşi ýaly, foto duzaklardan ýygnalan foto we wideo maglumatlar birnäçe ýyllardan bäri aýratyn alajagaplañlary kesgitlemekde ulanylýar.
Bu bolsa möhüm ugurlary gözegçilikde saklamaga ýardam edýär: populýasiýa ýagdaýyny, aýratyn haýwanlaryñ göçmeklerini hem-de haýsy alajagaplañyñ çagasynyñ bolandygyny.
"Aýratyn görnüşlere köp ýyllaryñ dowamynda gözegçilik edip bilmegimiz has ýakymly, sebäbi bu olaryñ ýagdaýlarynyñ gowyudygyny añladýar. Olar näçe köp ýaşasalar, ýaşaýyş gurşawlarynyñ ýeterli derejede goraglylyk mümkinçiligini artdyrýar" - diýip, hünärmenler belleýär.
Ýakynda foto duzaga Balkan lakamly alajagaplañ düşdi, ol ilkinji gezek 2019-njy ýylda hasaba alnyp, nobatdaky gezek foto duzagyñ merkezine düşdi. "Bu has tolgunlandyryjy. Ol takmynan 6-7 ýaşyndadygyny çaklaýarys, bu bolsa alajagaplañyñ ösen döwri hasaplanylýar" - diýip, hünärmenler belläp geçdiler.
Sünt-Hasardag bu alajagaplañlar üçin möhüm ýer bolup durýar. Şeýle-de, bu sebitde gamyş pişigi, ýekegapanlar we uriallar (dag goçlary) hem ýaşaýar.
