Stambulda dünýäniň energiýa bazaryndaky çagyryşlar we mümkinçilikler ara alnyp maslahatlaşyldy
Dünýäniň energiýa bazaryndaky esasy oýunçylary birleşdiren Stambuldaky Energetika forumy, energiýa howpsuzlygyny, garaşsyzlygy we durnukly ösüşi üpjün etmegiň strategiki meselelerini ara alyp maslahatlaşmak üçin meýdança boldy. 22-nji noýabrda “Umumy gelejek, umumy maksatlar” şygary bilen geçirilen forum, Türkiýäniň Prezidenti Rejep Taýyp Erdoganyň ýurduň energiýa mümkinçiliklerini doly peýdalanmagyň zerurdygyny nygtaýan çykyşy bilen açyldy.
Çykyşlaryň esasy ugurlary
Türkiýäniň energiýa garaşsyzlygy: Prezident Erdogan energiýa garaşsyzlygyny gazanmagyň nebitden, gazdan ýel we gün energiýasyna çenli ähli çeşmeleriň gönükdirilmegini talap edýändigini aýtdy.
Energetika howpsuzlygy ileri tutulýan ugur hökmünde: Erdogan soňky ýyllardaky energetika çökgüliginiň, energiýa howpsuzlygynyň durnukly ykdysady ösüşde esasy ornuny ýada salýandygyny aýtdy.
Howa maksatlary: Energetika ministri Alparslan Baýraktar, Türkiýanyň energiýa importyna garaşlylygy azaltmak bilen 2053-nji ýyla çenli uglerodyň bitaraplygyny gazanmagy maksat edinýändigini aýtdy.
Ählumumy hyzmatdaşlyk we innowasiýa
Forum, şeýle hem halkara hyzmatdaşlygyny güýçlendirmek üçin meýdança boldy. Türkmenistandan, Azerbaýjandan, Gruziýadan, Wengriýadan, Özbegistandan we beýleki ýurtlardan ministrler, şeýle hem halkara kompaniýalarynyň wekilleri we bilermenler gatnaşdy. Diňe ykdysady ösüşe däl, eýsem sebitiň energiýa howpsuzlygyna hem goşant goşýan bilelikdäki taslamalara aýratyn üns berildi.
Energetika diňe bir ykdysady hereketlendiriji hökmünde däl, eýsem parahatçylygy ýola goýmagyň guraly hökmünde hem seredilýär şeýle hem forumyň umumy maksadyny – ählumumy energiýa meselelerini çözmek üçin birleşmek ybaratdyr.
Forumyň çäginde Türkmenistan Döwlet ministri, “Türkmengaz” döwlet konserniniň başlygy Maksat Babaýew bilen Türkiýäniň Energetika we tebigy baýlyklar ministri Alparslan Baýraktaryň arasynda duşuşyk geçirildi, olar ikitaraplaýyn hyzmatdaşlygyň meselelerini ara alyp maslahatlaşdylar.
“Türkmen gazyny biziň ýurdumyza we ol ýerden Ýewropa daşamagyň dürli ugurlaryny ara alyp maslahatlaşdyk. Şeýle hem, “BOTAŞ” we “TPAO” milli kompaniýalarymyz bilen Türkmenistanyň nebit we tebigy gaz känlerinde durmuşa geçirilip bilinjek bilelikdäki taslamalara baha berdik” diýip, Baýraktar özüniň sosial ulgamynda belledi.
ORIENT
