Türkmenistanyň Prezidenti söwda toplumy boýunça wise-premýeri çalyşdy
Noýabr 16, 2024 | 01:20 |15231
Türkmenistanyň Prezidenti Serdar Berdimuhamedow Batyr Atdaýewi özüne ynanylan wezipäni oňarmandygy üçin Ministrler Kabinetiniň Başlygynyň söwda we dokma senagatyna gözegçilik edýän orunbasary wezipesinden boşatdy.
Bu wezipä 6 aý synag möhleti bilen Türkmenistanyň Senagatçylar we telekeçiler birleşmesiniň müdiriýetiniň başlygy Nökerguly Atagulyýew bellenildi.
Döwlet Baştutany bu Permana anna güni geçirlen Ministrler Kabinetiniň mejlisiniň dowamynda gol çekdi, diýip Türkmenistanyň Döwlet teleradio ýaýlymynyň habarlar gepleşiginde habar berildi.
Nökerguly Atagulyýew 2012-2013-nji ýyllarda Ministrler Kabinetiniň Başlygynyň söwda we dokma senagatyna gözegçilik edýän orunbasary wezipesinde işledi.
ORIENT news
