Türkmenistanda ýaşyl energiýa geçiş: OGT-2024-de esasy pikirler we başlangyçlar
“Türkmenistanyň nebiti we gazy” (OGT-2024) halkara maslahatynyň umumy mejlisinde “Türkmenistanda ýaşyl energiýa geçiş: Pariž ylalaşygynyň 10 ýyllygyna taýýarlyk” atly söhbetdeşlik geçirildi. Dialogy Birleşen Milletler Guramasynyň Türkmenistandaky hemişelik utgaşdyryjysy Dmitriý Şlapaçenko alyp bardy we ählumumy energiýa çagyryşlarynyň ýurt üçin mümkinçiliklerini ara alyp maslahatlaşmagyň ähmiýeti nygtaty.
Söhbetdeşlige Birleşen Milletler Guramasynyň Ýewropa ykdysady komissiýasynyň durnukly energetika bölüminiň direktory Dario Liguti gatnaşdy. Howanyň üýtgemegi we parnik gazlarynyň zyňyndylaryny azaltmagyň zerurlygy bilen baglanyşykly durnukly energiýa geçmek üçin netijeli syýasaty işläp düzmegiň we milli mümkinçilikleri güýçlendirmegiň zerurdygyny aýtdy.
UNEP-iň geňeşçisi Megan Demetr göni wideo aragatnaşyk arkaly çykyş edip, Türkmenistanda metanyň zyňyndylaryny azaltmak maksatnamasyny hödürledi we ählumumy howanyň gün tertibiniň çäginde bu meseläniň möhümdigini nygtaty.
Birleşen Milletler Guramasynyň Türkmenistandaky Hemişelik wekilhanasynyň ykdysatçysy Wladimir Waletka Durnukly ösüş maksatlarynyň (DÖM) 7-nji we 13-nji maksatlaryny maliýeleşdirmek zerurlyklary bilen baglanyşykly ýurt seljermesiniň netijelerini barada çykyş etdi. Onuň çykyşy, durnukly energiýa we howa başlangyçlaryna maýa goýumlarynyň mümkin bolan ugurlaryny ara alyp maslahatlaşmak üçin esas boldy.
Türkmenistanyň Döwlet energetika institutynyň ylmy işler boýunça prorektory Aganyýaz Jumaýew ýaşyl energiýa pudagyndaky ýerli başlangyçlary we energiýa meselelerini çözmäge ylmy çemeleşmäni paýlaşdy. “Clean Air Task Force” ählumumy kampaniýalar boýunça direktory Jeýms Turitto howanyň hapalanmagyna garşy göreşmekde we arassa tehnologiýalary ornaşdyrmakda halkara hyzmatdaşlygynyň möhümdigini aýtdy.
BMG-niň Aziýa we Ýuwaş ummany sebiti boýunça Ykdysady we durmuş meseleleri boýunça komissiýasynyň energiýa birikmesi boýunça bilermeni Anna Lobanowa hem söhbetdeşlige göni wideo aragatnaşyk arkaly goşulyp, Türkmenistanyň “ECO-REM” taslamasyna gatnaşmagyna ünsi çekdi we durnukly energiýa çözgütlerini gazanmak üçin sebit hyzmatdaşlygynyň möhümdigini nygtaty.
Söhbetdeşlikde çykyş edenleriň we gatnaşyjylaryň hemmesini öz içine alýan sorag-jogap sessiýasy, Türkmenistanda ýaşyl energiýa pudagynda mundan beýläkki ädimler barada işjeň pikirleri we teklipleri alyşmak üçin meýdança boldy.
ORIENT news
