TDHÇMB-da söwdalaşyklar: geçen hepde 31 geleşik baglaşyldy
Geçen hepde Türkmenistanyň Döwlet haryt çig-mal biržasynda 31 geleşik hasaba alyndy.
Birleşen Arap Emirlikleriniň we Owganystanyň işewür toparlarynyň wekilleri daşary ýurt walýutasyna “Türkmennebit” Döwlet konserniniň tehnologik desgalarynda işläp taýýarlanylan suwaldylan gazy, suwdan arassalanan dizel ýangyjyny, şeýle hem “Türkmengaz” DK-nda öndürilen suwaldylan gazy satyn aldylar. Türkiýeniň we Ukrainanyň işewürleri karbamid satyn aldylar (“Türkmenhimiýa” DK).
Mundan başga-da, daşary ýurt walýutasyna jins we tikinçilik önümleri, ýorgan-düşek toplumlary, nah ýüplükleri, ýumşak tekiz reňklenen we žakkard önümleri, portlandsement, şeýle hem gazlandyrylan mineral nahar suwy we gazlandyrylan alkogolsyz içgiler satyldy. Satyn alyjy ýurtlar: BAE, Gazagystan, Gyrgyzystan, Ukraina. Geleşikleriň umumy bahasy 14 mln 290 müň amerikan dollaryndan gowrak.
Içki bazara türkmen işewürleri umumy bahasy 21 mln 264 müň manatdan gowrak bolan polipropilen (“Türkmennebit” DK), float ýaprak aýnasyny we nah ýüplükleri satyn aldylar.
Türkmenistayň Döwlet haryt çig-mal biržasyndaky kesilen nyrhlar bilen şu
salgyda tanyşyp bilersiňiz.
ORIENT news
.
