TDHÇMB-da söwdalaşyklar: nebithimiýa, ýeňil senagaty önümleri we gurluşyk materiallary satyn alyndy
18-nji oktýabrda, anna güni, Türkmenistanyň Döwlet haryt çig-mal biržasynda geçirilen söwdalaşyklaryň netijesinde nebithimiýa, ýeňil senagaty önümleri we gurluşyk materiallary satyn alyndy.
Owganystanyň we BAE-niň telekeçileri suwaldylan gazy satyn almak üçin “Türkmennebit” Döwlet konserni bilen geleşik baglaşdylar.
Gazagystanyň işewürleri gazlandyrylan alkogolsyz içgileri satyn almak barada türkmen telekeçileri bilen geleşikleri baglaşdylar.
Türkmenistanyň Senagat we gurluşyk önümçilik ministrliginden olar “PS 500-GO-K” markaly portlandsement satyn aldylar.
Türkmen işewürleri nah ýüplükleri satyn almak üçin Türkmenistanyň Dokma senagaty ministrligi bilen geleşik baglaşdylar.
Söwdalaşyklaryň netijesinde umumy bahasy 3 643 200 manada we 4 438 961,54 amerikan dollara barabar bolan 7 sany geleşik baglaşyldy.
Türkmenistanyň Döwlet haryt çig-mal biržasyndaky kesilen nyrhlar bilen şu salgyda tanyşyp bilersiňiz.
ORIENT news
