Ýagşygeldi Kakaýew adyndaky Halkara nebit we gaz uniwersitetinde Hytaý Halk Respublikasynyň Lu Ban ussahanasy dörediler
Hormatly Prezidentimiziň Hytaý Halk Respublikasyna amala aşyran döwlet saparynyň dowamynda 2023-nji ýylyň 6-njy ýanwarynda kabul edilen Türkmenistanyň we Hytaý Halk Respublikasynyň Bilelikdäki Beýannamasynda “Lu Ban ussahanasy” taslamasyny bilelikde amala aşyrmagy ilerletmek baradaky teklip öňe sürüldi.
Şunuň bilen baglylykda, Ýagşygeldi Kakaýew adyndaky Halkara nebit we gaz uniwersitetiniň rektorynyň Hytaý Halk Respublikasynyň Pekin, Sian we Hebeý şäherlerine gulluk iş saparynyň çäklerinde 2024-nji 18-nji oktýabrynda Lu Ban ussahanasyny döretmek hakynda “Ýagşygeldi Kakaýew adyndaky Halkara nebit we gaz uniwersitetiniň, Sian nebit uniwersitetiniň, Hebeý nebit hünär-tehniki uniwersitetiniň, Hytaýyň Milli Nebitgaz Korporasiýasynyň we Hytaýyň bilim ulgamynda halkara alyş-çalyş assosiasiýasynyň arasynda özara düşünişmek hakynda Ähtnama” gol çekildi. Şeýle hem, hyzmatdaşlygyň ugurlary ara alnyp maslahatlaşyldy.
ORIENT news
