Gazagystan 2026-njy ýylda “Geljegiň oýunlaryny” geçirmäge hukuk aldy
Gazagystan, adaty sport bilen elektron sporty birleşdirýän özboluşly ýaryş bolan “Phygital Games of the Future 2026” üçin ýer eýesi hökmünde saýlandy. Bu ýaryşy geçirmek hukugy üçin üç ýurt bäsleşdi: Gazagystan, Peru we Çili, ýöne ahyrynda Merkezi Aziýa döwleti Günorta Amerika ýurtlaryndan üstün çykdy.
Gazagystanda “Geljegiň oýunlary” geçirmek baradaky başlangyç 2024-nji ýylda Kazanda geçirilen ilkinji oýunlaryň açylyş dabarasynda tarapyndan Prezident Kasym-Žomart Tokaýew teklip edildi. Indiki ýaryş 2025-nji ýylda BAE-de, 2026-njy ýylda bolsa Astanada geçiriler.
“Gazagystan elektron sportuň ösmegine işjeň goldaw berýär. 2018-nji ýyldan bäri 40 müňden gowrak türgeniň gatnaşmagynda 140-dan gowrak ýaryş geçirildi. “Geljegiň oýunlaryny” üstünlikli geçirmek üçin ähli tagallalary ederis” – diýip, 2026-njy ýylda “Geljegiň oýunlaryny” gurnaýjy ýurt hökmünde yglan edilmegi mynasybetli geçirilen çärede Gazagystan Respublikasynyň Syýahatçylyk we sport ministrliginiň Sport we bedenterbiýe komitetiniň başlygynyň wezipesini waglaýyn ýerine ýetiriji Rollan Serikow aýtdy diýip, gullugyň web sahypasy habar berýär.
Ozal “Phygital International”-yň wekilleri şäheriň ýaryşy geçirmäge taýýardygyny tanyşmak üçin üçin Astana baryp gördüler. Gazagystanyň Kibersport federasiýasy eýýäm “Geljegiň oýunlaryna” taýýarlyk görüp başlady. Gatnaşýanlar fiziki we sanly formatlary birleşdirýän dersler boýunça bäsleşerler.
ORIENT news
