Aşgabatda Gurbanguly Berdimuhamedow we Kasym-Žomart Tokaýew Abaý Kunanbaýulynyň ýadygärliginiň açdylar
Aşgabatda Türkmenistanyň Halk Maslahatynyň Başlygy we Gazagystanyň Prezidenti Kasym-Žomart Tokaýew Abaý Kunanbaýewiň heýkeliniň açylyş dabarasyna gatnaşdylar.
Kasym-Žomart Tokaýew Gurbanguly Berdimuhamedowa we türkmen halkyna “Magtymguly Pyragynyň 300 ýyllygyna” atly ýubileý medalynyň gowşurylandygy üçin tüýs ýürekden hoşallyk bildirdi. Onuň sözlerine görä, bu sylagy iki halkyň arasyndaky özara düşünişmegiň we dostlugyň nyşany hökmünde kabul edýändigini belledi diýip, “Akorda” metbugat gullugy habar berýär.
Muny türkmen doganlarymyzyň gazak halkyna aýratyn hormat-sarpasynyň aýdyň nyşany hasaplaýaryn diýip, Tokaýew aýtdy. Şu ýyl Astanada döredijili türki halklaryň ählisi üçin umumy bolan türkmen halkynyň beýik akyldary Magtymguly Pyragynyň ýadygärligi açyldy.
“Abaýyň we Magtymgulynyň eserleri – bu türki medeniýetiň gymmatlygydyr. Biziň umumy borjumyz – bu gymmatlygy aýawly saklamakdan, geljek nesillere ýetirmekden ybaratdyr. Iki beýik şahyryň şygryýetinde dowamatlylygyň mysallary örän köpdür. Biziň halklarymyzy bitewi kökler, umumy taryh, diliň we medeniýetiň meňzeşligi baglanyşdyrýar. Şu mizemez binýadyň esasynda biz berk hem sazlaşykly gatnaşyklary ýola goýduk. Şol gatnaşyklar häzirki wagtda strategik hyzmatdaşlyk ruhunda okgunly ösdürilýär. Meniň Türkmenistana şu günki resmi saparym munuň aýdyň mysalydyr. Beýik Abaýyň ýadygärliginiň gazak-türkmen dostlugynyň nyşanyna öwrüljekdigine ynanýaryn” – diýip Gazagystanyň Prezidenti aýtdy.
Iki doganlyk halkyň taryhy-medeni durmuşynda öçmejek yz galdyran meşhur şahsyýetleriň, akyldarlaryň, şahyrlaryň mirasyny aýawly saklamak, boýunça alnyp barylýan işler uly ähmiýete eýedir, diýip Türkmenistanyň Halk Maslahatynyň Başlygy belledi.
“Biziň halklarymyzyň dünýäniň medeni-ruhy gymmatlyklaryna uly goşant goşdular. Şoňa görä-de, bu medeni mirasy düýpli öwrenmek, giňden wagyz etmek we bu ugurda halkara hyzmatdaşlygy ösdürmek möhüm wezipeleriň biri bolup durýar” – diýip türkmen halkynyň Milli Lideri Gurbanguly Berdimuhamedow aýtdy.
Dabara Türkmenistanyň we Gazagystan Respublikasynyň wekiliýetleri, medeniýet, sungat işgärleri gatnaşdylar.
