Wladimir Putin Aşgabatdaky foruma gatnaşyjylary Kazanda geçiriljek BRIKS sammitine gatnaşmaga çagyrdy
Oktýabr 11, 2024 | 15:18 |9512
Aşgabatda “Döwürleriň we siwilizasiýalaryň özara arabaglanyşygy – parahatçylygyň we ösüşiň binýady” forumynda çykyş edip, Russiýa Federasiýasynyň Prezidenti Wladimir Putin ýygnananlary Kazanda geçiriljek BRIKS sammitine gatnaşmaga çagyrdy.
“Elbetde, şu günki duşuşygyň eýesi Serdar Gurbangulyýewiç Berdimuhamedowy we bu foruma gatnaşýan köpsanly beýleki liderleri Kazanda geçiriljek çärelerde hoş görmek islärdik” – diýip, Kremliň habarlar gullugy rus Lideri Wladimir Putiniň sözlerini getirýär.
BRIKS sammiti 22-24-nji oktýabr aralygynda Kazanda geçiriler. Çärä gatnaşmak üçin Tatarystanyň paýtagtyna BMG-niň Baş sekretary Antoniu Guterriş hem geler.
ORIENT news
