TDHÇMB-da söwdalaşyklar: geçen hepde 10 sany geleşik bellige alyndy

Sentýabr 09, 2024 | 12:58 |7331

Geçen hepde Türkmenistanyň Döwlet haryt çig-mal biržasynda 10 sany geleşik bellige alyndy.

Türkiýe Respublikasynyň, Owganystanyň, Özbegistanyň işewürlik toparlarynyň wekilleri daşary ýurt pul birliklerine “Türkmennebit” Döwlet konserniniň tehnologiýa desgalarynda öndürilen suwaldylan gazy, dizel ýangyjyny we awiasiýa nebitini satyn aldylar.

Mundan başga-da, ýeňil senagatynyň galyndylary, regenirirlenen süýümler, buýanyň köki we kök baldaklary, dokma önümleri daşary ýurt pul birliklerine satyldy. Satyn alyjy ýurtlar: Türkiýe, Serbiýa, Gazagystan. Geleşikleriň umumy bahasy 19 mln 838 müňden gowrak amerikan dollara barabar boldy.

Türkmenistanyň Döwlet haryt çig-mal biržasyndaky kesilen nyrhlar barada şu salgyda tanyşyp bilersiňiz.
.

ORIENT news