Geçen hepde TDHÇMB-da geçirilen söwdalaşykda 15 geleşik hasaba alyndy
Geçen hepde Türkmenistanyň Döwlet haryt çig mal biržasynda geçirilen söwdalaşyklarda 15 geleşik hasaba alyndy.
Daşary ýurt walýutasyna BAE, Özbegistan we Owganystan döwletiniň işewürler topary “Türkmengaz” Döwlet konserninden suwuklandyrylan gazy we polietilen önümlerini (“Türkmenhimiýa” DK) satyn aldylar. Owganystan döwletiniň işewürleri şeýle hem dizel ýangyjyny (“Türkmennebit” DK) satyn aldylar.
Mundan başga-da daşary ýurt walýutasyna BAE, Türkiýe we Gyrgyzystan döwletiniň işewürleri dokma senagatynyň önümlerini, nah ýüplügi we dokma galyndylaryndan regenerirlenen süýüm satyn aldylar. Geleşikleriň jemi bahasy 5 million 110 müň ABŞ dollaryndan gowrak boldy.
Içerki bazarda türkmen işewürleri polipropileni (“Türkmennebit” DK) hem-de düz float aýnasyny, elde dokalan halylary, we arassalanan nah galyndylaryny satyn aldylar. Geleşikleriň jemi bahasy 3 million 364 müň manatdan gowrak boldy. Türkmenistanyň Döwlet haryt-çig mal biržasyndaky kesilen nyrhlar barada şu salgyda tanyşyp bilersiňiz.
ORIENT news
