Arkadag şäheriniň 1-nji mekdebinde robot tehnikasy boýunça gurnak açyldy
Şu gün, 1-nji sentýabrda Bilimler we talyp ýaşlar güni mynasybetli Türkmenistanda UNICEF Bilim ministrligi bilen bilelikde Arkadag şäheriniň 1-nji mekdebinde robot tehnikasy boýunça täze gurnagy açdylar. Gurnagyň maksady – amaly bilimler arkaly ylym, tehnologiýa, inženeriýa, sungat we matematika (STEAM) boýunça desrleri öwrenip, beýleki mekdepler üçin göreldeli nusga bolmakdyr.
Döredilen robot tehnikasy boýunça gurnak sapaklar we amaly bilimleriň ösdürilmegi üçin ähli gerekli tehniki serişdeleri bilen üpjün edilip, şol bir wagtyň özünde 8-12 okuwçynyň bilelikde sapak geçmeklerine mümkinçilik berýär. Bilim ministrligi STEAM-biliminiň wajyplygyna dolulygyna düşünip, okuwçylaryň, ene-atalaryň we mugallymlaryň höwesine laýyklykda ýurdumyzyň mekdeplerinde robot tehnikasy boýunça gurnaklary döretmek işini işjeň amala aşyrýar.
UNICEF-yň habar bermegine görä, soňky ýyllarda zähmet bazarynda talap edilýän bilimleri hasaba alyp, STEAM dersleri we robot tehniksay boýunça bilim almak dünýäde uly meşhurlyga eýe boldy. Oglanlar we gyzlar bu dersleri eýýäm 4-5 ýaşyndan öwrenip başlaýarlar. STEAM-bilimi Ýewropa we Merkezi Aziýa sebitlerinde çagalara XXI asyryň talap edýän bilimlerine eýe bolmak üçin we adaty boýunça erkek adamlar üçin niýetlenen kärler diýlip hasplanylýan ylym we tehnologiýa ugurlaryna gyzlaryň köp bölegini çekmek üçin UNICEF-yň üns merkezindedir”.
“Robot tehnikasy boýunça gurnagyň açylmagy ýaşlara gelejekde zerur bolan bilimleri öwretmekde möhüm ädimdir. Okuwçylary STEAM-bilimi bilen tanyşdyryp, biz innowasion çemeleşmäni ynamly ulanyp bilýän we ertirki günüň talaplaryna jogap berip bilýän nesliň kemala gelmeginde ýardam edýäris” – diýip, Türkmenistanda UNICEF-yň wekiliniň orunbasary Aleksandru Nartea belledi.
UNICEF bu robot tehnikasy boýunça gurnagyň açylmagy bilen innowasiýa we bilim medeniýetini ösdürmekde hem-de şahsy tertip-düzgüni we toparda işlemek ukybyny kämilleşdirýän, wagty dolandyrmak, dil bilimlerini we özüňe baha bermek ukybyny ýokarlandyrýan STEAM-bilimini ösdürmekde ýardam etmäge taýýar.
ORIENT news
