Türkmenistan we Özbegistan energetika ulgamynda hyzmatdaşlygy berkidýär
Aşgabatda Türkmenistan bilen Özbegistan Respublikasynyň wekilleriniň arasynda ýangyç-energetika toplumy (ÝET) pudagynda hyzmatdaşlygy ösdürmäge gönükdirilen duşuşyklar geçirildi. Özbegistan Respublikasynyň wekiliýetine Energetika ministri Žurabek Mirzamahmudow ýolbaşçylyk etdi diýip, TDH habar berýär.
Söhbetdeşligiň dowamynda taraplar energetika pudagynda iki ýurduň arasyndaky hyzmatdaşlygyň häzirki ýagdaýy we geljegini ara alyp maslahatlaşdylar. Türkmenistan we Özbegistan aç-açanlyk, birek-birege ynam we iki tarapyň milli bähbitlerine laýyk gelýän ýörelgelerine esaslanýan hyzmatdaşlygy täze derejä çykarmaga çalyşýarlar.
Şeýle hem taraplar geçirilen gepleşikleriň ikitaraplaýyn gatnaşyklary mundan beýläk-de pugtalandyrmakda möhüm orun eýelejekdigine ynam bildirdiler.
ORIENT news
