TDHÇMB-da geçirilen söwdalaşykda “Türkmennebit” hem-de “Türkmengaz” Döwlet konserniniň önümlerine uly isleg bildirildi
Awgust 29, 2024 | 09:19 |8297
Çarşenbe güni, 28-nji awgustda, Türkmenistanyň Döwlet haryt çig mal biržasynda geçirilen söwdalaşyklarda “Türkmennebit” hem-de “Türkmengaz” Döwlet konserniniň önümlerine uly isleg bildirildi.
Owganystan döwletiniň işewürleri “Türkmengaz” Döwlet konserninden suwuklandyrylan gazy atyn almak barada geleşik baglaşdylar.
Türkmenistanyň işewürleri “Türkmennebit” Döwlet konserninden “TPP D 30 S” kysymly polipropileni satyn almak barada geleşik baglaşdylar.
Şeýle hem olar türkmen el halysyny satyn aldylar.
Söwdalaşyklaryň barşynda jemi 404 666,82 manada we 935 000 ABŞ dollaryna deň bolan 5 geleşik baglaşyldy.
Türkmenistanyň Döwlet haryt-çig mal biržasyndaky kesilen nyrhlar barada şu salgyda tanyşyp bilersiňiz.
ORIENT news
