Minskde GDA ýurtlarynyň hemişelik wekilleriniň Geňeşiniň nobatdaky mejlisi geçirildi
Minskde Garaşsyz Döwletleriň Arkalaşygyna agza döwletleriniň Hemişelik we Doly ygtyýarly wekilleriniň geňeşiniň nobatdaky mejlisi geçirildi. Bu barada Arkalaşygyň metbugat gullugy habar berdi.
Duşuşyk GDA-nyň Baş sekretary Sergeý Lebedewiň gatnaşmagynda geçirildi.
Hemişelik wekiller 7-8-nji noýabrda Russiýa Federasiýasynda geçirilmegi meýilleşdirilýän Garaşsyz Döwletleriň Arkalaşygyna agza döwletleriň Hökümet Baştutanlarynyň Geňeşiniň mejlisiniň gün tertibini düzdüler.
Taslama ykdysady ugurda özara gatnaşyklar bilen baglanyşykly 20 soragy öz içine alýar.
Hususan-da, ulag pudagynda, raýat gämi gurluşygy, GDA-nyň çäginde dürli çäreleri maliýeleşdirmek babatynda hyzmatdaşlyk meseleleri bar. Birnäçe meseleler ynsanperwer hyzmatdaşlyga bagyşlanýar.
Hemişelik wekilleriň Geňeşi GDA-nyň Baş sekretary Sergeý Lebedewiň şu ýylyň oktýabr aýynda geçiriljek Özbegistan Respublikasynyň Oliý Mejlisiniň Kanunçylyk palatasyna geçiriljek saýlawlar üçin Arkalaşygyň synçy toparynyň başlygy wezipesine dalaşgärlige hödürlenmegi barada ylalaşdy.
Arkalaşygyň beýleki düzüm birlikleriniň we GDA agza döwletleriniň Hemişelik Doly ygtyýarly wekiller Geňeşiniň indiki mejlisi 24-nji sentýabrda geçiriler.
ORIENT news
