«Türkmentelekom» EAK-nyň «Internet kafe» nokatlarynyň birnäçesi paýtagtymyzda halkymyza hyzmat edýär
Häzirki tehnologiýanyň ösen döwründe ilatymyz internet torunyň çäksiz hyzmatlaryndan peýdalanyp, özbaşdak maglumat ummanyna aralaşyp bilýär. Muňa garamazdan Internet kafeleri halk köpçüliginiň arasynda ähmiýetini we zerurlygyny saklap gelýär. Çünki, Internet kafeleri diňe bir maglumat ummany bolman, eýsem medeniýetli dynç almagyň bir görnüşi bolup halkymyza hyzmat edýär.
«Internet kafelerde» maglumat tehnologiýasynyň soňky gazananlary arkaly internet hyzmatlaryndan peýdalanmak bolýar. Okuw meýilnamalary, iş maksatnamalary üçin bellikler almagyň we maglumat toplamagyň amatlaşdyrylan merkezi bolup durýar. Esasan hem, talyp ýaşlara bilim ojaklaryndan daşary deň-duşlary bilen birlikde bilimini kämilleşdirmekleri we ylmy işlerini dowam etdirmekleri üçin mümkinçilik döredýär.
Gazet-žurnallardan we dünýä täzeliklerinden zerur bolan maglumatlary printerlerde skaner edip, kagyz ýüzünde ýa-da elektron görnüşinde alyp bolýar. Wideokonferensiýa arkaly onlaýn duşuşyklara gatnaşmak ýokary tizlikli internet arkaly amala aşyrylýar.
Ýeri gelende bellesek, «Türkmenaragatnaşyk» agentligi sanly ykdysadyýeti döretmek maksadyny üstünlikli durmuşa geçirmek bilen kompýuter ulgamlaryny netijeli ulanmaga we internetiň mümkinçiliklerini artdyrmaga uly ähmiýet berýär.
Aşgabatda hereket edýän Internet kafeleriň salgylary bilen şu salgy boýunça tanyşyp bilersiňiz.
ORIENT news
