Türkmenistanyň Halk Maslahatynyň Başlygy we Özbegistanyň Prezidenti hyzmatdaşlyk meselelerini ara alyp maslahatlaşdylar
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň we Özbegistan Respublikasynyň Prezidenti Şawkat Mirziýoýewiň arasynda telefon arkaly söhbetdeşlik geçirildi.
27-nji awgust, sişenbe güni geçirilen gepleşikde Gurbanguly Berdimuhamedow we Şawkat Mirziýoýew Türkmenistan bilen Özbegistanyň arasyndaky dostlukly gatnaşyklarynyň barha pugtalandyrylýandygyny belläp, söwda-ykdysady we ýangyç-energetika babatda döwletara hyzmatdaşlygynyň ýagdaýyny we mümkinçiliklerini ara alyp maslahatlaşdylar. “Нейтральный Туркменистан” gazetiniň habar bermegine görä, iki ýurduň ulag-üstaşyr kuwwatyny doly derejede ulanmagyň wajyplylygy aýratyn bellenilip geçildi.
Türkmenistanyň Halk Maslahatynyň Başlygy iki ýurduň arasyndaky hyzmatdaşlygyň täze ýokary derejä çykarylandygyny belläp, özbek Liderine Prezident Serdar Berdimuhamedowyň adyndan gutlag sözlerini beýan etdi.
Hoş sözler üçin minnetdarlygyny bildirip, dostlukly ýurduň Lideri Türkmenistanyň Baştutanyna hem iň gowy arzuwlaryny ýollady.
Habarda bellenilişi ýaly, telefon söhbetdeşliginiň dowamynda öňden gazanylan ylalaşyklary hem-de bileleikdäki taslamalary durmuşa geçirimek meseleleri we mümkinçilikleri ara alnyp maslahatlaşyldy.
ORIENT news
