Apple ID sentýabrda Apple Account diýlip atlandyrylar

Awgust 21, 2024 | 14:46 |9360

Sentýabrda Apple ID hasap ýazgylarynyň ady üýtgediler.

iOS 18, iPadOS 18 we macOS Sequoia çykmagy bilen olar Apple Account diýlip atlandyrylar. Munuň ýaly belgiler ähli Apple hyzmatlarynda we önümlerinde ulanylar.

Apple hasap ýazgylarynda başga funksional üýtgeşmelere garaşylmaýar. Ol öňkisi ýaly App Store, iCloud, Apple Online Store internet-dükany, Face Time ýaly dürli Apple gulluklaryna girmek üçin bitewi akkaunt hökmünde ulanylar.

Onuň içinde ulgama girmek üçin maglumatlar, kontakt we töleg maglumatlary, ähli Apple hyzmatlarynyň işinde ulanylýan howpsuzlyk maglumatlary ýerleşdirilen.

ORIENT news