Daşkent oba hojalyk bazarynyň gatnaşyjylaryny Asia Grains&Oils maslahatyna çagyrýar
18-19-njy sentýabr aralygynda Daşkentde Asia Grains&Oils 2024 Maslahaty geçiriler. Çäre 200-den gowrak dünýä we Aziýa oba hojalyk bazarynyň esasy gatnaşyjylaryny birleşdirer: eksport we import edijileri, gaýtadan işledijileri, oba hojalyk öndürijileri, ýanaşyk pudaklarynyň bilermenlerini we wekillerini.
Asia Grains&Oils Conference in Tashkent 2024 Maslahaty tohum we ýag bazarynyň, gaýdatan işledilýän önümleriniň we logistikanyň dürli meselelerini özünde jemlär.
APK-Inform-yň habar bermegine görä, Maslahatda Merkezi Aziýa oba hojalyk harytlaryny satyn alyjy ýurtlaryň (Hytaý, Owganystan) bazarlarynda täzelikleri we mümkinçilikleri, dürli meseleleri we olary çözmek ýollary, Merkezi Aziýa bazaryna tasir edýän goňşy ýurtlaryň (Russiýa Federasiýasy) bazarlarynyň ýagdaýlary we, umuman, dünýä oba hojalyk bazaryndaky ösüş ýollary ara alnyp maslahatlaşylar.
Merkezi Aziýada oba hojalyk önümleriniň demir ýol we awto daşalyşlary, sebitde oba hojalyk ýükleri üçin täze logistika ugurlarynyň, şol sanda deňiz derwezlerine çykalga ugurlary ýaly meseleler Maslahatyň gün tertibinde dur.
Geosyýasat we howa meseleleri dünýä ykdysadyýetini, azyk howpsuzlygyny, logistika infrastrukturasyny, daşary söwda gatnaşyklaryny we dünýä oba hojalyk toplumyny kemala getirmekde esasy faktorlaryň bolmagynda galýar. Merkezi Aziýa ýurtlarynyň tohum we ýag bazarlary hem bu faktorlaryň täsiriniň astyndadyr, we birnäçe ýyllaryň dowamynda bazaryň ähli gatnaşyjylary belli bir üýtgemeleriň täsirini duýýarlar. Sebitiň tohum we ýag bazarlary nähili derejede üýtgeýänligi, 2024-25 möwsüminde hasyl, bahalar, daşary söwdanyň geografiýasy we logistika halkalarynyň nähili boljakdygy – bu we beýleki köpsanly meseleler Asia Grains&Oils Conference in Tashkent 2024 maslahatynyň çäginde ara alnyp maslahataşylar.
Şeýle-de bu Maslahat täze tohum we ýag möwsüminiň başynda Merkezi Aziýa sebitinde satyjylaryň we alyjylaryň duşuşyklarynyň esasy işewürlik meýdançasyna öwrüler.
ORIENT news
