Türkmenistan Ählumumy Günortanyň ýurtlary bilen ulag we energetika gatnaşyklarynyň giňeldilmegini maksat edinýär
“Ählumumy Günortanyň sesi” atly Üçünji sammitiniň ministrleriniň duşuşygynda Türkmenistanyň Daşary işler ministriniň orunbasary Ahmet Gurbanowyň belleýşi ýaly, Türkmenistan ählumumy Günortanyň ýurtlary bilen ulag we energetika pudaklary boýunça hyzmatdaşlygy ösdürmek maksat edinýär. Hindistan Respublikasynyň ilçihanasy tarapyndan gurnalan bu çäre 17-nji awgust, şenbe güni onlaýn görnüşinde geçirildi.
Ahmet Gurbanow bitaraplyk we parahatçylykly ýaşaýyş ýörelgelerine esaslanýan işjeň hyzmatdaşlyk ugrunda çykyş edýän Türkmenistanyň garaýşyny tassyklady.
100-den gowrak ýurtlaryň wekillerini birleşdiren Sammitiň esasy mowzugy “Durnukly geljek üçin ählumumy Günortanyň mümkinçiliklerini giňeltmek” boldy. Çäräniň esasy maksady ösüp barýan ýurtlaryň derwaýys meselelerini çözmekde özara bähbitli sebit hyzmatdaşlygyny çuňlaşdyrmak ugrunda anyk teklipleriň işlenilip düzülmegidir.
Ministrlik duşuşygynyň dowamynda gatnaşyjylar howanyň üýtgemegi, “ýaşyl” ykdysadyýete geçmeklik, halkara söwdasy we daşalyşyň transmilli halkalary ýaly umumy gyzyklanma döredýän mowzuklary ara alyp malahatlaşdylar.
Onlaýn sammitine umumylykda 123 ýurt gatnaşdy. 21 sany döwlet baştutanlary, 118 sany ministrler we 34 sany daşary işler ministrleri, 5 sany köptaraply ösüş banklary gatnaşdy. 10 sany ministrlik duşuşyklary geçirildi.
Hindistan Respublikasy “Ählumumy Günortanyň sesi” atly onlaýn görnüşli sammitini üçünji gezek geçirýär. Ählumumy Günorta diýip Afrika, Latyn Amerika we Karib basseýniň ýurtlary, Ýuwaş umman adalary we Aziýanyň ösüp barýan ýurtlary hasaplanylýar.
ORIENT news
