Aşgabatda «Vertera Open» - saglyk we gözellik üçin suw otlaryndan önümler
Şu gün "Aşgabat" söwda we dynç-alyş merkezinde türkmen paýtagtynda "Vertera" kompaniýasynyñ söwda wekilhanasynyń açylmagy mynasybetli "Vertera Open" dabaraly çäresi geçirildi. Bu kompaniýa ekologiýa taýdan arassa çig maldan - deñiz suw otlaryndan önümlerini hem-de kosmetika öndürmek bilen meşgullanýarlar.
Häzirki wagtda 52 ýurtda wekilhanasy bolan “Vertera” kompaniýasy Türkmenistanda göni satuwlara başlaýar. Açylyş dabarasynda kompaniýanyň işleri we önümleri beýan edilen tanyşdyryş wideo ýazgylary görkezildi.
Bu ýerde myhmanlarda uly gyzyklanma döreden "Vertera" önümleriniň sergisi hem guraldy. Çärede kompaniýany esaslandyryjy Anatoliý Hitrow gutlag sözi bilen çykyş etdi. Ol çykyşynda biziň ýurdumyzda bolmagyň özünde galdyran täsirlerini paýlaşdy: "Türkmenistana, Aşgabada gelenime örän şat. Sebäbi meniñ arzuwym amala aşdy. Men bu ýurt barada köp okadym... Indi bolsa men we meniñ aýalym hem-de toparymyñ bir bölegi bu ýerde".
Kompaniýa öz işine 2005-nji ýylda başlady. Halkara göni satuw kompaniýasy bolan “Vertera”-nyň önümleri “WR International Holding” kompaniýasynyň bir bölegi bolan “Biomedical Innovative Technologies” tarapyndan öndürilýär.
Dürli ýaşdaky adamlar, şol sanda çagalar we ýetginjekler üçin niýetlenen "Vertera"-nyň önümleri adam bedeniniň saglygyna, onuň gowulaşmagyna we gözelligine uly peýdalary getirýär.
Çäräniň ahyrynda ýygnananlaryň hemmesine "Vertera" kompaniýasynyň önümlerinden sowgatlar gowşuryldy.
Kompaniýanyñ Türkmenistandaky wekilhanasynyñ salgysy: Täze Gurtly ýaşaýyş jaý toplumy, jaý 61.
Iş wagty: 09:30-18:00.
ORIENT news
