Türkmenistanda lukmançylyk galyndylaryny zyýansyzlandyrmak üçin enjamlar oturdyldy
Türkmenistanyň Saglygy goraýyş we derman senagaty ministrligi lukmançylyk galyndylaryny, şol sanda suwuk lukmançylyk galyndylaryny zyýansyzlandyrmak üçin stasionar enjamyny aldy.
Enjamlar Birleşen Milletler Guramasynyň Ösüş maksatnamasy bilen bilelikdäki taslamanyň çäginde üpjün edildi.
Enjam eýýäm Türkmenistanyň Ýokanç keseller müdiriýetiniň Gan merkezinde oturdyldy.
Bu tehnologiýa, gepatit A, B, C, AIW, poliomielit, Ebola wirusyny, SARS we MERS wiruslaryny, şeýle hem patogen mikroorganizmler ýaly ganda we düzüm böleklerinde ýüze çykaryp bolýan we donarlyk üçin ýaramsyz bolan stafilokokklar, streptokokklar, inçekeseli we beýlekileri mikobakteriýalary ýok etmäge mümkinçilik berýär. Döwrebap galyndylary taşlaýyş ulgamynyň kömegi bilen ýokuşmagy mümkin bolan lukmançylyk galyndylary düýpli zyýansyzlandyrma tapgyryndan geçýär we mundan beýläk zyňmak üçin howpsuz bolýar.
Şeýle hem enjamlar lukmançylyk edaralarynyň ekologiýa howpsuzlygyny berkidýär we lukmançylyk galyndylaryny zyýasyzlandyrmak üçin himiki serişdeleri ulanmak zerurlygyny aradan aýyrar. Amalyň doly awtomatlaşdyrylmagy we oturdylan resminamalar ulgamy ähli zyýansyzlandyrma tapgyrlarynyň ählisiniň aç-açanlygyny üpjün edýär.
ORIENT news
