Türkmenistan ulag hyzmatlary pudagynda statistiki maglumatlary kämilleşdirýär
Türkmenistanyň Statistika baradaky döwlet komiteti we Birleşen Milletler Guramasynyň Ösüş Maksatnamasy söwda we ulag pudagynda statistiki maglumatlary kämilleşdirmek barada tegelek stol geçirdi.
Tegelek stola gatnaşanlar ýük we ýolagçy gatnawy pudagynda statistiki görkezijileri gowulandyrmak boýunça teklipleri taýýarladylar. Gatnaşanlar maglumatlary ýygnamak üçin gözleg usulyýet işi bilen tanyşdylar.
“Ulag pudagynyň statistiki görkezijileri ýol ulaglarynyň ösüşini obýektiw görkezmelidir, milli hasabatyna laýyk gelmelidir we dolandyryş kararlary üçin ygtybarly esas bolup hyzmat etmelidir. Ulag hyzmatlarynyň ösüşi we maglumatlaryň takyklygy baradaky talap, hasabatyň yzygiderli barlanmagyny we pudagyň ähli gatlaklaryny öz içine almak üçin goşmaça gözlegleri talap edýär”-diýip halkara bilermeni Swetlana Silaýewa belledi.
Tegelek stol 2024-nji ýylyň 18-nji fewralynda Birleşen Milletler Guramasynyň Ösüş Maksatnamasynyň Türkmenistandaky wekilhanasy bilen Türkmenistanyň Statistika baradaky döwlet komitetiniň arasynda gol çekilen Türkmenistanda söwda we ulag statistiki maglumaty kämilleşdirmäge ýardam bermek boýunça taslamasynyň çäginde geçirildi. Taslama institusional mehanizmleri güýçlendirmek we milli kanunçylygy halkara ülňülerine laýyk getirmek arkaly hyzmatlardaky daşary we içerki söwda boýunça statistikanyň hilini ýokarlandyrmaga gönükdirilendir.
Şeýle hem taslama Statistika baradaky döwlet komitetiniň hyzmatlardaky halkara söwdasy baradaky ýokary hilli gender-duýgur statistikany taýýarlamak ulgamy we ulag mukdaryndaky maglumatlary gowulandyrmak boýunça mümkinçiliklerini güýçlendirmeklige gönükdirilendir.
ORIENT news
