Ankara we Bişkek Türki döwletleriň guramasynyň Sammitine görülýän taýýarlyk işlerini ara alyp maslahatlaşdylar
Duşenbe güni, 12-nji awgusta Türkiýe Respublikasynyň Daşary işler ministri Hakan Fidan we Gyrgyzystan Respublikasynyň Daşary işler ministri Žeenbek Kulubaýew şu ýylyň güýzünde Bişkek şäherinde geçiriljek Türki döwletleriň guramasnyň (TDG) 11-nji Sammitine görülýän taýýarlyk işleri barada telefon arkaly ara alyp maslahatlaşdyrlar. Sammitiň 23-25-nji oktýabrda geçirilmegi meýilleşdirilýär.
Guramanyň soňky 10-njy Sammiti 2023-nji ýylyň 3-nji noýabrynda Astanada Gazagystan Respublikasynyň Prezidenti Kasym-Žomart Tokaýewiň başlyklyk etmeginde geçirildi.
2024-nji ýylyň 12-nji martynda Aşgabatda Türkmenistanyň Halk malsahatynyň Başlygy, Ýaşulular geňeşiniň agzasy Gurbanguly Berdimuhamedowyň başlyklyk etmeginde Türki döwletleriň Guramasynyň Ýaşulular Geňeşiniň 15-nji mejlisi geçirildi. Bäş ýurdy – Azerbaýjany, Gazagystany, Gyrgyzystany, Türkiýe Respublikasyny we Özbegistany birleşdirýän bu Guramada Türkmenistan Wengriýa bilen deň hatarda synçy derejesine eýedir.
