Hazar deňziniň orta geçelgesiniň ugrunda port infrastrukturasy döwrebaplaşdyrylar
Belgiýanyň Jan De Nul kompaniýasynyň topary Gruziýanyň Anakliýasynda täze çuň suwly portunyň gurluşygy hem-de Gazagystanyň Hazar deňziniň kenarýakasyndaky Kuryk portunyň giňeldilmegi barada şertnama ylalaşdylar.
7-nji awgusta saýtlarynda habar bermegine görä, Jan De Nul bu iki taslama Hazarüsti halkara ulag ugry hökmünde tanalýan Orta geçelgisiniň ösmegine ähmiýetli itergi berer diýip belläp geçdiler.
Hazar we Gara deňizlerinden geçýän bu deňiz söwda ýoly Sues kanalynyň üsti bilen geçilýän ugruna ygtybarly alternatiw ugur hökmünde hasaplanylýar. Emma häzirki wagtda bar bolan deňiz portlar bu ugur boýunça hereket edýän ýük daşalyşlary üçin dar hasaplanylýar.
Anakliýada ýük göterijiligini 600 000 konteýnere köpeldip bilýän täze çuň suwly portunyň gurulmagy hem-de Gazagystanyň Kuryk portunyň giňeldilmegi ýük daşalyş bilen bagly meseleleriniň oňyn çözülmegine mümkinçilik berer.
Jan De Nul Gazagystanda düýbi çuňlamak boýunça möhüm işlere we Gruziýada tolkunlardan goraýan gaçyny, ýol geçelgelerini we dolanyş nokatlaryny gurmak işine başlar. Kompaniýa bu işleri Hazar deňziniň derejesiniň peselmegi bilen bagly meselelerini çözmek maksady bilen goňşy Türkmenistan we Azerbaýjandaky hyzmatdaşlary bilen işläp taýýarlamalary geçirilenden soň başlajakdygy barada habar berdi.
Jan De Nul Group düýbi çuňlamak we deňiz gurluşyk işleri boýunça öňdebaryjy ýerleri eýeläp, nebit, gaz we täzeden dikeldilýän energiýa çeşmeleriniň offşor (daşary ýurt) senagaty üçin ýöriteleşdirilen hyzmatlary hödürleýär.
ORIENT news
