“Fitch” agentligi Türkmenistanyň reýtingini ýokarlandyrdy
Halkara “Fitch Ratings” reýting agentligi Türkmenistanyň uzakmöhletleýin defolt emitentini (IDR) daşary ýurt walýutasynda “B +” -den “BB-” derejesine çykardy. Çaklama: – “Durnukly”.
Reýtingiň ýokarlanmagyna aşakdaky esasy görkezijiler goşant goşdy: pugtalandyrylan döwlet balansy we uly daşarky ätiýaçlyklar. Agentligiň berýän maglumatlarynda Türkmenistandaky öňden berk bolan döwlet balansynda has hem öňegidişlik bolup, munuň dowam etjekdigine bolsa “Fitch”-iň ynamynyň uludygy aýdylýar.
“Fitch ýurduň özygtyýarly sap daşary ýurt serişdeleriniň (SNFA) 2024-nji ýylyň ahyryna çenli jemi içerki önümiň 55,9% -e, (2023-nji ýylda 54,7%, 2022-nji ýylda 45,1%) çenli ýokarlanjakdygyny çaklaýar” – diýip, anna güni, 2-nji awgustdaky agentligiň resmi saýtynda berlen habarda beýan edilýär.
“Türkmenistanyň daşary ýurt walýuta ätiýaçlyklary 55 aý töweregi daşarky töleglerde, “BB” ortaça 4,5 aýlyk ortaça deňeşdirilende, ýokarlanmagyny dowam etdirýär” – diýip, bilermenler belledi.
“Fitch”-iň bilermenleriň pikiriçe, daşarky likwidligiň hasam gowulaşjakdygyny, 2025-nji ýylda häzirki daşarky bergileriň 6,9 %-e ýetip, 2023-nji ýyldaky 8,5 %-den aşaklap, häzirki “BB” ortaça 12.2 %-den has pes boljakdygy çaklanýar.
“Fitch” 2021-nji ýylyň awgust aýynda “durnukly” hasaplamak bilen “B +” uzak möhletli daşary ýurt walýutasynyň emitentiň defolt derejesini kesgitledi. 2023-nji ýylyň fewral aýynda agentlik öz çaklamalaryny “durnukly”-dan “pozitiw” diýip üýtgetdi we “B +” derejesinde tassyklady. 2024-nji ýylyň awgusty we 2024-nji ýylyň fewralynda “Fitch” Türkmenistan üçin bu derejäni tassyklady. Karz derejesinde şkalanyň ýokarsynda “A”, “B”, “C” harplary bar. “Fitch”-iň “B” sanawy B-, B, B +, soň bolsa BB-, BB, BB + we ondan ýokary, A görkeziji başlanýança “BBB +”-a çenli ýokarlanýar.
Şu ýerde belläp geçsek, köpçülige niýetlenen bu jemgyýetçilik reýting, bir ýurda maýa goýmak mümkinçiligine garaşsyz baha bermek isleýänler bilen birlikde banklar we beýleki guramalar tarapyndan ulanylýar.
Ozal 2023-nji ýylyň oktýabr aýynda Türkmenistanyň Döwlet daşary ykdysady iş bankynyň “Fitch Ratings” halkara agentligi bilen hyzmatdaşlygy giňeltjekdigi barada habar berildi.
ORIENT news
