2024-nji ýylda Hytaý-Gyrgyzystan-Özbegistan ugry boýunça 100 sany ýük otlusy ugradyldy
2024-nji ýylyň başyndan bäri Hytaý-Gyrgyzystan-Özbegistan ulag geçelgesi oňyn netijeleri görkezdi, 100 sany ýük otlusynyň ugradylandygy hasaba alyndy we geçen ýyl bilen deňeşdirilende 103,94% ýokarlandy. Bu barada “Hytaý demir ýollary” korporasiýasynyň urumçydaky bölümine salgylanyp, Sinhua habarlar agentligi habar berýär.
Bu multimodal ulag geçelgesi Hytaýdan, Gyrgyzystandan we Özbegistandan geçýän möhüm logistika ýoludyr we awtoulaglar we demir ýollar arkaly amala aşyrylýan garyşyk ýük daşamalary öz içine alýar. Bu ugur Hytaýyň demirgazyk-günbataryndaky Sinszýan-Uýgur awtonom sebitindäki Kaşgar Demirgazyk stansiýasyndan başlaýar. Konteýnerler demir ýol arkaly bu stansiýa eltilýär, soňra Irkeştam barlag nokadyndan Gyrgyzystana we Özbegistana, soňra bolsa beýleki ýurtlara gitmek üçin awtomobil ýollar arkaly dowam edýär.
Hytaý bilen Günbatar we Merkezi Aziýa ýurtlarynyň arasyndaky söwda hyzmatdaşlygynyň ösüşi esasanam “Bir guşak, bir ýol” başlangyjygynyň çäginde duýulýar. 2024-nji ýylda demir ýol arkaly Kaşgardan üstaşyr daşalýan harytlaryň mukdary ep-esli ýokarlandy we 100 müň tonnadan geçdi, bu bolsa geçen ýyldakydan 53,3 müň tonna köpdir.
Hytaý-Gyrgyzystan-Özbegistan multimodal ulag geçelgesi 2020-nji ýylda açyldy we şondan bäri Hytaýyň Guandun-Sýangan (Gonkong)-Aomen (Makao), Uly Aýlag sebiti, Pekin-Týanzin-Hebeý hem-de Syçuan we Çzýansu ýaly dürli sebitlerine ugardylýan otlylaryň sany yzygider artyp gelýär. Ilki bilen bu ugurda egin-eşik we metal gurallary ýaly 30-dan gowrak görnüşli harytlar daşaldy. Häzirki wagtda daşalýan harytlaryň 300-den gowrak görnüşi şol sanda energiýanyň täze çeşmeleri üçin awto ulaglar we ätiýaçlyk şaýlary ýaly harytlaryň bar.
ORIENT news
