TDHÇMB-da geçirilen söwdalaşykda ýeňil senagaty, nebithimiýa we gurluşyk önümleri ýokary islege eýe boldy
Duşenbe güni, 22-nji iýulda, Türkmenistanyň Döwlet haryt çig mal biržasynda geçirilen söwdalaşyklarda ýeňil senagaty, nebithimiýa we gurluşyk önümleri ýokary islege eýe boldy.
Birleşen Arap Emirlikleriniň telekeçileri “Türkmennebit” Döwlet Konserninden “L-0,5-62” kysymly dizel ýangyjyny satyn almak barada geleşik baglaşdylar.
Ukrainaly hem-de Gyrgyzystanly işewürler topary türkmen telekeçilerinden düz boýalan we žakkard sütükli önümleri satyn aldylar.
Türkmenistanyň işewürleri “Türkmennebit” Döwlet Konserninden “TPP D 30 S” kysymly polipropileni satyn almak barada geleşik baglaşdylar.
Şeýle hem olar Türkmenistanyň senagat we gurluşyk önümçiligi ministrliginden düz aýnany satyn aldylar.
Söwdalaşyklaryň barşynda jemi 3 995 000 manada hem-de 4 168 700 ABŞ dollaryna deň bolan 6 geleşik baglaşyldy.
Türkmenistanyň Döwlet haryt-çig mal biržasyndaky kesilen nyrhlar barada şu salgyda tanşyp bilersiňiz.
ORIENT news
