Bratislawada türkmen-slowak hyzmatdaşlygyny ösdürmek boýunça gepleşikler geçirildi
Türkmenistan we Slowakiýa ykdysady gatnaşyklary güýçlendirmek üçin Hökümetara ylalaşygy baglaşmak üçin iş alyp barýarlar
2024-nji ýylyň 17-nji iýuly, çarşenbe güni, Türkmenistanyň Daşary işler ministriniň orunbasary Ahmed Gurbanow Slowakiýanyň Daşary işler ministrliginiň we ýewropa işleri boýunça Döwlet sekretary Marek Eştok bilen Bratislawada bolan duşuşygyň dowamynda hyzmatdaşlygyň anyk ugurlaryny ara alyp maslahatlaşyldy.
“Biz Merkezi Aziýa sebitinde Türkmenistanyň strategiki taýdan möhüm ýurt hökmünde ähmiýetlidigi bilýäris. Şol sebäpden, soňky ýyllarda ýetmezçilik edýän syýasy we ykdysady gepleşikleri goldamak we janlandyrmak isleýäris "- diýdip Eştok aýtdy.
Häzirki wagtda iki döwletiň arasyndaky ykdysady hyzmatdaşlyk boýunça hökümetara ylalaşygyň taslamasy taýýarlanýar. Onuň netijesi, iki ýurduň arasyndaky ykdysady gatnaşyklary ösdürmek üçin hakykat ýüzünde mümkinçilikleri kesgitlär - diýip Slowakiýanyň diplomatik gullugynyň habarynda aýdylýar.
Döwlet sekretary, Slowakiýanyň Türkmenistana suw serişdelerini dolandyrmakda öz tejribelerini we nou-hau hödürlemäge taýýardygyny aýtdy we Slowakiýanyň kompaniýalarynyň bu ugurda eýýäm Merkezi Aziýanyň beýleki ýurtlary bilen işjeň hyzmatdaşlyk edýändigini belledi. Taraplar azyk, energiýa, senagat we syýahatçylyk pudaklarynda özara hyzmatdaşlygyň mümkinçiligini hem görýärler.
Şeýle hem Bratislawada A.Gurbanowyň Slowakiýanyň Ykdysadyýet ministrliginiň Döwlet sekretary Wladimir Şimonýak, Prezidentiň Diplomatik meseleler boýunça geňeşçisi Ýan Kubiş, Slowakiýanyň Milli Parlamentiň daşary işler boýunça komitetiniň başlygy Marian Keri we Slowakiýanyň Söwda-senagat palatasynyň başlygy Peter Mihok bilen duşuşyklary geçirildi.
Syýasy-diplomatik çygyrda ýokary derejeli saparlary goşmak bilen yzygiderli geçirilýän ikitaraplaýyn duşuşyklaryň ähmiýeti nygtaldy, şol sanda ýokary derejeli gatnaşyklary, parlamentara hyzmatdaşlygy pugtalandyrmagy öz içine alýar. Türkmenistanyň Daşary işler ministrliginiň metbugat beýanatyna görä Ykdysady hyzmatdaşlyk boýunça hökümetara toparynyň nobatdaky mejlisini 2025-nji ýylda Bratislawada geçirmek barada ylalaşyk gazanyldy.
Bulardan başga-da iki ýurduň arasynda medeni-ynsanperwer ugurda hymatdaşlyk etmek, şol sanda talyp alyş-çalyşygyny guramak, şeýle hem özara medeni çäreleri geçirmek meselelerine üns berdiler, diýip gullugyň habarynda beýän edilýär.
ORIENT news
